本身就約左佢1:00銅鑼灣交收既，我1:02分到左啦，佢就話塞緊要等多佢10分鐘，到左1:17分我打電話比佢啦，佢就話要等多10分鐘，咁我就話我仲有交收，可唔可以快少少佢話冇問題，到左10:33我再打比佢，佢就已經用d好差既態度話你急咪走先，我就話咁你仲有幾耐到，佢話仲塞緊，要等多半個鐘，我就本身打算站內交收，冇打算出站既，咁我就問佢可唔可以比番10蚊車費我啦，但佢仲用d好差既語氣同我講野，我咪話邊個遲左半個鐘先，佢話遲到又點呀，唔遲得呀，洗唔洗唔用錢比張卡你 唉，大家認住e條友啦，唔好再中伏，都唔明點解d人自己遲到仲可以理直氣壯，咁大聲話人

大家搜索佢個用戶名，佢自己個post會有埋佢個電話架啦，大家最好認住啦

已中伏 我都係咁，不過好你少少，我本身約左星期五2點交收，都係cwb，地點都應該一様，我去到左打比佢la，但係冇人聽，之後佢先whatapp話佢臨時返工來5到，不過都算，因為佢比返$10車$我，好過你少少，跟住約左今日交收，佢本身話4點，但朝早臨時就改左1點，之後12點幾果陣就話會遲少少，咁我未等佢la，點知由1點幾等到2點幾，理由同你一樣，不過最後都成功交收

我見佢d態度咁差咪唔收囉，自己遲到仲可以態度咁差